Listeners:
Top listeners:
Radio Líder Santiago – 97.7Fm Santiago de Compostela
today7 junio, 2024
7 xuño de 2024.- O Concello de Lousame e Abanca organizan unha sesión formativa dirixida a que persoas maiores do municipio aprendan a utilizar os caixeiros da entidade dunha forma fácil e segura. Unha actividade que terá lugar o vindeiro martes 18 de xuño, ás 11:00 horas, na casa consistorial en Portobravo, onde Abanca instalou un caixeiro en marzo de 2022.
Unha formadora de Abanca explicaralles aos maiores de Lousame como funciona o caixeiro e cales son as operacións máis habituais que se poden realizar. Unha formación que incluirá unha primeira presentación en imaxes para despois poñer a proba os coñecementos adquiridos sobre o propio caixeiro, resolvendo así as dúbidas que lles vaian xurdindo. A mestra fará fincapé en que as xestións se poden facer con confianza e con todas as garantías de seguridade, sempre que se sigan as recomendacións básicas de seguridade.
A participación nesta actividade, enmarcada no Programa de Educación Financeira de Abanca, é totalmente libre e de balde, polo que non é precisa inscrición previa. Esta será a segunda formación que a entidade ofreza en Lousame despois da instalación do caixeiro na fachada da propia casa consistorial en marzo de 2022, grazas á colaboración da Xunta de Galicia. A maiores, o propio Concello de Lousame organizara un “Taller de manexo do caixeiro” en xullo do mesmo ano, en colaboración coa Consellería de Política Social a través do programa “Mantente ao día”.
Escrito por Líder Redacción
abanca caixeiros comarca lousame maiores radio lider santiago
Toda la actualidad de la mañana en Espresso de Mediodía. El informativo de autor, de lunes a viernes de 14.00 a 14.30 horas con el veterano periodista Javier González Méndez.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)