Listeners:
Top listeners:
Radio Líder Santiago – 97.7Fm Santiago de Compostela
today24 mayo, 2024
A Selección Galega sub 17 supera ao País Vasco na quenda de penaltis e este domingo disputará a gran final da Fase Ouro do Campionato de España
Unha xeración única. Un grupo máxico. Rumbo á gran final por primeira vez na historia. A Selección Galega sub 17 segue rompendo fronteiras. O combinado que prepara Quin Valbuena disputará este domingo a gran final da Fase Ouro do Campionato de España tras derrotar na semifinal ao País Vasco na quenda de penaltis. As nosas creron e confiaron nas súas posibilidades, no seu talento e na fortaleza do grupo para citarse de novo coa historia. Este domingo agarda algo máxico.
A primeira parte, tal e como se esperaba, foi moi igualada. As altas temperaturas tamén fixeron efecto en ambos os equipos e o País Vasco foi o primeiro en avisar, pero apareceu Naiara Martínez cun paradón para evitar o primeiro tanto do encontro.
Galicia foise asentando no envite co paso dos minutos e xusto antes do descanso apareceu Lucía Rivas para adiantar ás de Quin Valbuena cun auténtico golazo. A flamante campioa de Europa sub 17 sorprendeu á meta vasca cun centro chute desde a banda dereita que se acabou coando na portería local.
Co 0-1 a favor de Galicia chegouse ao descanso en Las Rozas.
Na segunda parte, o País Vasco foise arriba con todo a por o empate e dispuxo de varias ocasións para alcanzar o obxectivo. As nosas aguantaron conscientes de que estaban cada vez máis preto da gran final da Fase Oro do Campionato de España.
Ambos os equipos comezaron a acusar o desgaste e a calor co paso dos minutos. As locais seguían insistindo e atoparon o tanto do empate na recta final do encontro grazas a un golazo de Elene. No engadido, Lúa Arufe tivo o 1-2, pero o seu disparo petou no traveseiro.
Co empate (1-1) chegouse ao final do partido e o primeiro finalista decidiríase na quenda de penaltis. Desde os 11 metros, as nosas foron mellores e voltaron facer historia. Este domingo, a Selección Galega sub 17 loitará por ser campioa de España.
Imaxe e crónica da Real Federación Galega de Fútbol.
Escrito por Líder Redacción
Radio Líder Santiago te ofrece una cuidada selección musical donde suenan los grandes clásicos que forman parte de nuestra vida, junto a una selección con las novedades más interesantes.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)