O profesorado galego non se beneficiará da suba salarial do 2 % aos empregados públicos

CSIF lamenta o agravio comparativo que se vai a producir entre diferentes empregados públicos dentro da administración e lembra que é unha subida xusta pero insuficiente

Santiago, 18 de xullo de 2024.- CSIF Ensino denuncia que o persoal docente galego non se beneficiará da totalidade da subida salarial do 2% aprobada polo goberno central e que, segundo a orde para a confección de nóminas da Xunta publicada este luns no DOG, farase efectiva coa nómina de xullo.

Desde CSIF Ensino, lamentamos o inxusto agravio comparativo que se vai a dar entre os diferentes empregados públicos dentro da administración, xa que o profesorado non se vai beneficiar por igual dun incremento necesario pero, en todo caso, insuficiente para facer fronte ao custo da vida e ao incremento do IPC.

Neste sentido, lembramos que CSIF foi o único sindicato que se opuxo en Madrid ao acordo de retribucións asinado por UXT e CCOO co goberno central, que supuxo unha perda acumulada de poder adquisitivo do 6,8 por cento desde a firma do devandito acordo en 2022.

“Reiteramos a necesidade de que se asine un novo acordo salarial vinculado ao IPC, con cláusula de revisión salarial, que permita ao conxunto de empregados públicos recuperar a perda de poder adquisitivo acumulado na última década, así como recuperar a estrutura salarial previa aos recortes fixados no Real Decreto-lei 8/2010 e a equiparación salarial entre as distintas administracións públicas”.

No caso do profesorado galego, CSIF culpa ao “acordo de renuncias” asinado por CCOO, ANPE e UXT coa Consellería, ao que CSIF se opuxo -xunto a CIG e STEG-, da situación que se vai a producir, pois o devandito acordo recollía unha serie de subidas en distintos complementos, desde o 1 de xaneiro de 2024, sobre os que non se poderá aplicar ningunha outra mellora.

Tal e como recolle a orde, “na actualización dos diferentes conceptos das nóminas do persoal docente, os complementos persoais e transitorios (sexenios, función titorial, desempeño de órganos unipersoais de goberno, responsable de centros de menos de tres unidades en educación infantil e primaria, persoal asesor, dirección do CAFI, CFR, etc) serán absorbidos por calquera mellora retributiva que se produza en 2024”, é dicir, todos aqueles complementos pactados no acordo de outubro de 2023.

Para CSIF, esta situación avala unha vez máis os motivos polos que a Central Sindical opúxose ao acordo, “porque era de xeito evidente lesivo e insuficiente para dar resposta ás verdadeiras necesidades do sector”.