‘Black Week’ na tenda oficial do Monbus Obradoiro con ata un 35% de desconto

O Monbus Obradoiro aposta este ano por ampliar as ofertas do tradicional Black Friday e lanza a súa propia Black Week, unha campaña que permitirá desfrutar de descontos durante toda unha semana.

Entre o luns 24 e o venres 28 de novembro, todos os produtos da tenda física situada no Multiusos Fontes do Sar contarán cun 25% de desconto adicional. Ademais, os abonados poderán acumular este beneficio ao 10% habitual, acadando así un 35% de desconto total. Para o público xeral, o desconto será do 25% en todo o merchandising oficial.

Camisetas, sudadeiras, accesorios e todo tipo de artigos do equipo estarán dispoñibles para que os seareiros poidan renovar a súa equipación e seguir mostrando o seu apoio ao club.

Desde o Obradoiro animan a toda a afección a achegarse á tenda durante esta semana especial de ofertas e aproveitar esta oportunidade única para facerse cos seus produtos favoritos.