O Compostela Esgrima arrasa no primeiro Torneo Ranking Galego con 7 medallas

Excepcional inicio de tempada para o Compostela Esgrima no primeiro Torneo Ranking Galego, onde o club compostelán se alzou como o gran dominador da cita ao liderar o medalleiro con 7 medallas: tres ouros, dúas pratas e dous bronces. Ademais, destacou pola súa ampla participación, con 14 tiradores e tiradoras en todas as categorías.

Na categoría dos máis pequenos, M9 mixta, o debutante da Escola de Silleda Mateo Iglesias proclamouse subcampión galego, acadando a prata.

En M11 mixta, o protagonismo foi totalmente compostelán. O campión zurdo Xoel Díaz levou o ouro tras vencer ao seu compañeiro e tamén zurdo Cibrán Alvar, que logrou a prata. O bronce foi para Amelia Fernández, completando un podio de cor azul Compos.

Na categoría M13 mixta, o club sumou outras dúas medallas: ouro para Denís Lago e bronce para Alicia Mourelle.

Finalmente, en M15 feminino, Carolina Mourelle subiuse ao máis alto do podio coa medalla de ouro, mentres que a súa compañeira Carolina Darriba obtivo o bronce.

O excelente rendemento do Compos neste primeiro torneo autonómico confirma o bo momento da súa canteira. A seguinte cita será xa a nivel nacional, coa participación de dous equipos na 4ª División da Liga Nacional de Clubes de espada masculina absoluta en Madrid, e no Torneo Regional Ranking de Castilla y León, que se celebrará en Tordesillas durante esta fin de semana.