PSOE Ordes tamén aplaude o xesto dos edís socialistas no último Pleno de Santiago

O PSdeG de Ordes manifestou o seu apoio á decisión dos concelleiros que votaron a favor da ordenanza das Vivendas de Uso Turístico (VUT) en Santiago de Compostela. Este voto positivo é interpretado como un acto de coherencia coas políticas mantidas polo grupo socialista na anterior lexislatura, durante o seu mandato na cidade, así como coas directrices do PSOE a nivel estatal.

O grupo municipal socialista de Compostela reafirma así a súa postura en defensa dos intereses da veciñanza, especialmente daqueles que enfrentan grandes dificultades para acceder a unha vivenda digna.

Esta medida, segundo o PSdeG de Ordes, representa un paso importante para garantir un mercado de vivenda máis equilibrado e xusto, conciliando a oferta turística coa necesidade de acceso a vivendas para os residentes locais.