Segundo accidente mortal en 24 horas na mesma estrada de Santa Comba

A estrada AC-400, ao seu paso por Santa Comba, convértese nun punto negro tras dous accidentes mortais en apenas un día. Se o domingo falecía un motorista ao chocar contra un coche, este luns pola mañá perdeu a vida o condutor dun turismo ao impactar contra un tráiler, á altura da parroquia de Vilamaior, no punto quilométrico 49, a apenas tres quilómetros do sinistro anterior.

O accidente produciuse sobre as 11:20 horas. A muller que viaxaba de acompañante resultou ferida leve, mentres que o condutor do tráiler saíu ileso. O corpo do falecido tivo que ser excarcerado polos bombeiros.

Ata o lugar desprazáronse efectivos do 061, Bombeiros de Santa Comba, Garda Civil de Tráfico e Protección Civil, tras recibir o aviso dun particular ao 112 Galicia.