Un accidente de tráfico en Arzúa provoca importantes retencións

Imaxe: Bombeiros Arzúa

Os bombeiros do Parque Comarcal de Arzúa foron alertados onte ás 18:33 horas dun accidente de tráfico na N-547, á altura do casco urbano do Concello de Arzúa. A colisión entre dous vehículos na intersección coa AC-243 causou importantes retencións e un derrame de combustible na vía. O operativo de emerxencia, no que tamén participou a Garda Civil de Tráfico, consistiu na sinalización da zona, a dirección do tráfico e a limpeza dos vertidos na estrada.