Listeners:
Top listeners:
Radio Líder Santiago – 97.7Fm Santiago de Compostela
today15 mayo, 2024
O líder popular, Borja Verea, asegura que Santiago é o mellor escenario para acoller unha proba ciclista clásica do Circuíto Internacional, que podería partir dunha cidade portuguesa e ter como meta a capital de Galicia. Este tipo de eventos deportivos moven unhas 5.000 persoas, entre prensa, equipos e organización, sen contar coa gran cantidade de afeccionados que as seguen.
Verea, acompañado do concelleiro, José Antonio Constenla, mantivo un encontro con David Lappartient, presidente da Unión de Ciclismo Internacional (UCI); Enrico Della Casa, presidente da Unión Ciclista Europea; e o presidente da Federación Española, José Luís López Cerrón.
Máis de 120 delegados de 51 de Federacións Nacionais encabezados polo presidente da UCI e vicepresidente do Comité Olímpico Internacional, déronse cita en Santiago, no Congreso da Unión de Ciclismo Europeo e de representantes da Unión Ciclista Internacional, co fin de reflexionar sobre o futuro deste deporte e preparar os grandes eventos deste ano.
Esta actividade non contou co apoio dos nacionalistas, a pesar dos múltiples intentos da organización, para poder manter unha reunión previa con Goretti Sanmartín, co fin de poder formalizar unha visita ao Concello.
Para o líder popular, esta negativa, por parte dos nacionalistas, “foi outra oportunidade perdida para que Santiago amose a súa imaxe de cidade acolledora e vangardista; e o BNG desaproveitou a ocasión de empezar a traballar para que a capital de Galicia acolla unha proba clásica de ciclismo, como ocorre noutros lugares de Europa e que tanta repercusión teñen”.
“O BNG parece non ter en conta os gustos dos composteláns, que sempre demostraron a súa afección por este deporte”, sinalou Verea.
Non hai máis que observar a importante acollida que tivo a XXIII edición da Volta Ciclista da Ascensión, que se celebrou o pasado domingo e que contou con máis de 250 participantes; ou a importante expectación que se produce na cidade cada vez que Santiago se convirte en paso ou meta de probas como a Volta Ciclista a España ou doutras carreiras que deciden ter como fin de etapa a capital de Galicia.
Escrito por Líder Redacción
ciclismo compostela deportes politica radio lider santiago santiago
El programa matinal de uno de los grandes periodistas de nuestro país. Con todas las noticas de Galicia, España y el mundo; sin cortapisas y con la mayor pluralidad. Entrevistas, declaraciones y las opiniones de los mejores prescriptores.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)