A amesá Olivia Parga, medalla de ouro na IV xornada da Liga Galega de karate

Obtivo a medalla de ouro na categoría kumite xuvenil

Recentemente participou no Campionato de España de Karate celebrado en Guadalaxara, no que logrou a medalla de bronce en kumite xuvenil en 37 kg

Actualmente ocupa o cuarto posto no ranking nacional

Ames, 24 de maio de 2024.– O pasado sábado, 11 de maio, celebrouse en Ribadavia a cuarta xornada da Liga Galega de Karate. Nesta cita, a deportista amesá Olivia Parga obtivo a medalla de ouro na categoría kumite xuvenil.

A pasada semana, a deportista de Milladoiro Olivia Parga Garcia gañou a medalla de ouro na IV xornada da liga galega de karate. Ademais, desprazouse ata A Coruña para participar na participar na Karate 1 Youth League, a liga mundial de karate.

Así mesmo, recentemente participou no Campionato de España de Karate celebrado en Guadalaxara, no que logrou a medalla de bronce en kumite xuvenil en 37 kg, sendo unha das tres deportistas que alcanzou o metal de toda Galicia.

Parga, que actualmente ocupa o cuarto posto no ranking nacional, conseguiu no pasado mes de febreiro a medalla de ouro na I xornada da Liga Nacional celebrada en Avila. Nos últimos tres anos foi campioa galega en kumite xuvenil.