A Escola Municipal de Música de Santiago celebra este venres o seu Festival de Nadal

Un ano máis a Escola Municipal de Música celebrará o seu tradicional Festival de Nada no que participarán as agrupacións e formacións musicais máis destacadas do centro: os coros, a Bandiña, a Banda, o Combo de Música Moderna, a Agrupación de Música Tradicional, a Orquestriña, a Orquestra e o Big Band. Cada un destes grupos ofrecerá unha selección de pezas que abranguen diversos xéneros e estilos musicais, que van desde a música clásica ata a moderna ou a tradicional, pasando por composicións propias da época do Nadal.

Con 440 alumnos matriculados, a Escola Municipal de Música consolidouse como un pilar fundamental na formación musical da cidade, proporcionando unha educación de calidade e fomentando o talento das novas xeracións de músicos. A súa oferta educativa, que vai dende a iniciación musical ata a formación profesional, permite aos estudantes desenvolver as súas habilidades nun ambiente estimulante e comprometido coa excelencia artística.

O Festival de Nadal é unha mostra do traballo realizado durante todo o ano, onde o alumnado ten a oportunidade de demostrar o aprendido nas clases e compartir a súa paixón pola música coa comunidade. Ademais, este evento xa se converteu nunha cita ineludible na axenda cultural da cidade, que convida a todos os veciños e veciñas a desfrutar do talento e a enerxía dos xoves músicos de Santiago de Compostela.

A entrada ao festival é de balde, previa reserva de entrada, ata completar aforo, polo que todas as persoas amantes da música e da cultura están convidadas a desfrutar dunha tarde chea de emocións e sorpresas.

EMM

A Escola Municipal de Música de Santiago de Compostela é unha institución educativa dedicada á ensinanza musical nas súas distintas disciplinas. Con máis de 440 estudantes matriculados, a escola ofrece un amplo abanico de programas educativos, dende clases para iniciados ata formación profesional en diversas especialidades musicais. A súa misión é promover a música como ferramenta de desenvolvemento cultural e persoal, sendo un referente na educación musical na cidade e na comunidade galega.