Listeners:
Top listeners:
Radio Líder Santiago – 97.7Fm Santiago de Compostela
today30 diciembre, 2023
Padrón. 30-12-2023.- O alcalde de Padrón, Anxo Arca, renovou hoxe os votos da vila padronesa co Apóstolo na tradicional cerimonia da Traslatio coa que se conmemora o traslado do corpo de Santiago o Maior dende Palestina ata o porto da antiga cidade de Iria Flavia. O rexedor padronés solicitou a intersección do Apóstolo para lograr que, por riba de ideoloxías e intereses particulares, se impoñan o diálogo e a colaboración de cara a lograr o desenvolvemento e benestar dos pobos.
“Pídolle que sexamos máis solidarios e loitemos xuntos polo respecto a todas as persoas: que poidamos poñerlle fin á violencia machista, que atopemos as fórmulas para apoiar os colectivos máis desfavorecidos, que contemos todos coas mesmas oportunidades independentemente da nosa orixe e condición, que coidemos dos nosos maiores”, sinalou Anxo Arca.
O rexedor padronés aproveitou tamén a súa invocación para reivindicar o papel de Padrón como berce da tradición xacobea e subliñou que cada día son máis os peregrinos que se achegan á capital do Sar, non só a través do Camiño Portugués senón tamén como destino en si mesmo. Recordou neste sentido que durante este ano 2023 se repartiron máis de 20.000 pedronías, o certificado que acredita a continuación da peregrinación ata Padrón logo de visitar os restos do Apóstolo.
Anxo Arca confesouse emocionado de vivir como alcalde a súa primeira Traslación, perpetuando unha tradición que se oficiliazou no ano 1646, pero que xa se viña desenvolvendo con anterioridade tal e como está documentado dende 1588.
A orixe, con todo, remóntase aos principios do cristianismo hai máis de dous mil anos cando os discípulos do Apóstolo Santiago decidiron salvar o seu corpo decapitado embarcándoo nunha das numerosas naves que dende Haffa, en Palestina, surcaban o Mediterráneo. Foi así como, remontando o que hoxe é Portugal, acabaron por chegar ao antigo porto de Iria Flavia. Alí amarraron a barca a unha ara romana ou pedrón que lle deu nome á poboación padronesa e que aínda se conserva na igrexa de Santiago.
Malia que o pedrón está sempre exposto na igrexa parroquial de Padrón, este 30 de decembro, coincidindo coa conmemoración da Traslatio, padroneses e visitantes puideron acceder tamén á cámara na que se atopa.
O acto relixioso desta Traslatio, que dou comenzo ás 20.00 horas na igrexa parroquial de Santiago, foi presidido polo arcebispo emérito de Santiago, monseñor Julián Barro, e oficiado polo párroco de Padrón, Roberto Martínez. Contou coa presenza da Corporación municipal e coa actuación da Banda de Música de Padrón.
Escrito por Líder Redacción
Radio Líder Santiago te ofrece una cuidada selección musical donde suenan los grandes clásicos que forman parte de nuestra vida, junto a una selección con las novedades más interesantes.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)