Aparatoso choque de madrugada en Ordes con tres feridos

Tres persoas resultaron feridas na madrugada deste domingo en Ordes despois de que un turismo impactase contra outro vehículo que se atopaba estacionado no núcleo de Mercurín.

O aviso ao 112 Galicia produciuse arredor da 01.15 horas. O sinistro tivo lugar no punto quilométrico 1 da estrada AC-409. Ata o lugar desprazáronse efectivos do Servizo de Urxencias Sanitarias de Galicia-061, da Garda Civil de Tráfico, da Policía Local, así como persoal de mantemento da vía.