Celia Gestoso, a veciña máis lonxeva de Rianxo, cumpre 104 anos

O alcalde de Rianxo, Julián Bustelo, tivo o pracer de coñecer esta semana á Señora Celia Gestoso, unha muller alegre e coqueta que sempre participou activamente nos eventos organizados polo concello. Durante anos, asistiu ao tradicional xantar das persoas maiores, demostrando a súa vitalidade e bo humor.

Agora, con 104 anos recentemente cumpridos, a Señora Celia converteuse na veciña máis lonxeva do municipio. O alcalde transmitiulle un forte abrazo e enviou os seus mellores desexos tanto a ela como á súa familia, nun xesto de recoñecemento e agarimo.