Derrúbase parte dos nichos no parque de Bonaval e péchase a zona por seguridade

Grupos de WhatsApp

Un tramo dos antigos nichos do cemiterio situado no parque de San Domingos de Bonaval sufriu un desprendemento nas últimas horas, o que obrigou ao Concello a acordonar a área de maneira preventiva.

O colapso afecta a unha parte dos muros históricos do antigo camposanto, hoxe integrado nun dos espazos verdes máis emblemáticos da cidade. Técnicos municipais xa revisan a estrutura para avaliar os danos e comprobar a estabilidade do resto do conxunto.

O cemiterio forma parte do complexo histórico ligado ao antigo convento dominico e conserva elementos orixinais de gran valor patrimonial. Colectivos veciñais e defensores do patrimonio levan tempo advertindo da necesidade de actuacións de mantemento ante o deterioro provocado pola humidade e o paso do tempo.

A zona permanecerá pechada ata novo aviso mentres se determina o alcance da intervención necesaria.