Green Day, primeira banda confirmada no Son do Camiño 2024

Imaxe: Wikipedia

A banda californiana Green Day será un dos cabezas de cartel do festival O Son Do Camiño 2024 que se celebrará o próximo mes de maio en Santiago de Compostela. Este grupo foi a primeira confirmación dos cabezas de cartel do festival, cuxas entradas estarán á venda este mes.

Segundo a organización do festival, a banda comezará a súa xira europea en Santiago de Compostela cun concerto de máis de dúas horas no que, ademais de repasar a súa discografía chea de éxitos, celebrará o trinta aniversario de ‘Dookie’ e os vinte anos de ‘American Idiot’, dous álbumes básicos na súa discografía. O de Santiago será un dos dous únicos concertos que Green Day dará en España en 2024.

O Son Do Camiño celebrará a súa cuarta edición do festival no Monte do Gozo, situado nos arredores da cidade galega de Santiago de Compostela, que contará con tres xornadas repletas de música a partir do 30 de maio.