O Concello de Arzúa expresa as súas condolencias polas vítimas do accidente no Pino

Un grave accidente de tráfico ocorrido onte domingo na autovía A-54, á altura do concello do Pino, saldouse coa morte de dúas persoas novas: un mozo natural de Arzúa e unha moza veciña do propio municipio do Pino.

O Concello de Arzúa emitiu esta mañá un comunicado no que transmite o seu pesar pola traxedia: «Estamos sobrecollidos ante unha noticia que nos enche de dor e conmoción. Expresamos as nosas máis sentidas condolencias ás familias e amizades das vítimas neste momento tan difícil», sinalan dende a corporación.

A petición da familia, o perfil Crónica de Arca, informa que a moza falecida, Paula Aller Casal, será depositada hoxe pola tarde no tanatorio de Boisaca, en Santiago de Compostela. O funeral terá lugar mañá ás 19.00 horas no mesmo tanatorio, onde será incinerada.

Desde Radio Líder Santiago unímonos á dor das familias e amizades, ás que facemos chegar as nosas máis sentidas condolencias.

Descansen en paz.