Frades alerta sobre cartas falsas da seguridade social que buscan roubar datos bancarios

• Afectan á veciñanza do concello de Frades. A estafa chega por correo postal suplantando á Tesourería Xeral.

Frades, 15 de outubro de 2023. – O Concello de Frades alerta formalmente á veciñanza sobre unha nova e perigosa estafa que está a circular polas caixas de correo do municipio. Trátase de cartas falsas que suplantan a identidade da Tesourería Xeral da Seguridade Social (TGSS), co claro obxectivo de roubar datos persoais, fotocopias do DNI e extractos bancarios das vítimas.

Segundo a información difundida pola administración local, o modus operandi do fraude basease nun engano: as cartas indican que houbo un «ataque informático» ou que é necesario «actualizar datos», esixindo ao receptor que envie documentación sensible. «É MENTIRA. O único que buscan é roubar os teus datos e o teu diñeiro», subliñan desde o concello.

As autoridades xa confirmaron a natureza fraudulenta destas comunicacións. O Ministerio de Inclusión, Seguridade Social e Migracións verificou que se trata dunha estafa, polo que se insta á poboación a extremar a precaución.

Recomendacións oficiais:

• NUNCA facilites datos persoais, fotocopias do DNI ou información bancaria por esta vía.

• Se recibes unha carta, chamada ou email sospeitoso, desconfía inmediatamente.

• Revisa con atención o remitente e o enderezo. As comunicacións oficiais da Seguridade Social non seguen este procedemento.

• Denuncia calquera intento de fraude ante as Forzas e Corpos de Seguridade do Estado.

O Concello de Frades fai un chamamento á responsabilidade colectiva: «Imos protexer entre todos e todas á nosa xente!«. Para neutralizar esta ameza, pide a colaboración cidadá para compartir a alerta, falar do tema con veciños, familiares e coñecidos, especialmente cos mais vulnerables, e así evitar que alguén caia no engano.