O Concello de Santiago condena e limpa as pintadas homófobas no acceso á cidade

Santiago de Compostela, 18 de novembro de 2024. O goberno de Santiago que preside Goretti Sanmartín condena as pintadas homófobas que apareceron no acceso á capital galega no barrio de San Lázaro e que atentaron contra o espazo público. O Concello fíxose cargo, a través de Urbaser, da limpieza da beirarrúa, mentres que no que ten que ver co sinal de tráfico, encargarase da retirada da pintada Aceinsa.

O goberno local reproba este atentado contra o espazo público e, nomeadamente, condena todo tipo de expresión homófoba como aconteceu neste caso. Lembra que Compostela é unha cidade de acollida e diversa, un concello en que non hai espazo para comportamentos homófobos, xenófobos nin machistas.

A alcaldesa de Santiago, Goretti Sanmartín, expresou a súa firme condena a este tipo de actuacións e de expresións e apelou a non tolerar comportamentos homófobos, xenófobos ou machistas.