Listeners:
Top listeners:
Radio Líder Santiago – 97.7Fm Santiago de Compostela
O Multiusos Fontes do Sar xa é coñecido por vibrar co “Miudiño” antes de cada partido, mais agora o club quere dar un paso máis e crear un himno propio que acompañe os momentos decisivos de cada encontro. Obradoiro CAB lanza unha convocatoria aberta a todos os seareiros e amantes da música para contribuír con propostas que poderían converterse no símbolo sonoro do club.
A idea é clara: crear unha peza que fortaleza o sentimento colectivo, un canto que se escoite nos momentos de emoción, que una á bancada e impulse ao equipo coma un auténtico sexto xogador. Para dar o primeiro paso, o club contou coa colaboración da banda santiaguesa Ruxe Ruxe, referente do rock galego, que xa presentou unha proposta inicial titulada «A Sar Eu Vou».
Se che apaixoa a música e queres formar parte desta historia, podes enviar a túa proposta en formato MP4 (xunto coa letra nun documento Word ou PDF) antes do 30 de abril a comunicacion@obradoirocab.com. As cancións non deberán superar os 4:30 minutos na versión longa e os 1:30 minutos na versión curta.
O himno escollido será presentado nun momento moi especial: o último partido da temporada da Primera FEB no Sar, fronte ao Inveready Gipuzkoa.
¿Preparado para facer soar o teu corazón en forma de himno? O Obradoiro agarda por ti.
Escrito por Líder Redacción
2024 © Propiedad de Dezasete Media SL - 97.7 Fm
Comentarios de las entradas (0)