O servizo do tren turístico de Santiago reanúdase este 15 de abril

A frota de trens renóvase para cumprir coa normativa Euro VI en materia de emisións, proporcionando maior sustentabilidade ambiental ademais de optimizar a seguridade e a comidade pasaxeiras e pasaxeiros

Concidindo coa Semana Santa, que marca tradicionalmente o comezo da tempada alta turística, o martes 15 de abril reanúdanse as visitas á cidade no Tren turístico, un servizo municipal operado pola empresa Autocares Rias Baixas.

O Tren Turístico é unha actividade accesible para todas as idades que permite coñecer a historia e tradicións de Santiago de Compostela, cidade declarada Patrimonio da Humanidade e meta final do Camiño de Santiago, durante un percorrido de 45 minutos con saída na Praza do Obradoiro.

A reanudación do servizo do Tren turístico ven acompañada cunha serie de melloras que irán implantándose nos vindeiros meses, como a renovación da páxina web, con información detallada do servizo e a novidade de poder reservar e comprar o teu billete on-line, evitando colas e axilizando o acceso. Trátase dunha medida que axudará a mellorar a xestión de fluxos no Obradoiro.

Tamén se levará a cabo unha renovación da frota de trens para cumprir co normativa Euro VI en materia de emisións, proporcionando maior sustentabilidade ambiental ademais de optimizar a seguridade e o confort das persoas pasaxeiras.

E, ademais, os trens están adaptados a persoas con mobilidade reducida e en cadeira de rodas, garantindo a inclusión e accesibilidade de todas as persoas visitantes.