Listeners:
Top listeners:
Radio Líder Santiago – 97.7Fm Santiago de Compostela
today3 julio, 2024
Padrón. 03-07-2024.- O Concello de Padrón segue avanzando no seu compromiso de aumentar a seguridade no municipio coa recente incorporación de catro novos axentes de Policía Local que comezaron o seu período de prácticas o pasado luns 1 de xullo. Estes novos axentes, dous homes e dúas mulleres, completarán a súa formación previa á toma de posesión definitiva das súas prazas, incrementando o cadro de persoal policial e mellorando a capacidade de vixilancia e resposta do corpo.
O alcalde de Padrón, Anxo Arca, destacou a importancia destas incorporacións, afirmando que “era unha necesidade moi apremante, xa que o persoal estaba baixo mínimos”. “Convocar estas catro prazas foi unha das miñas primeiras decisións e o obxectivo é acadar canto antes un corpo de Policía Local con catorce integrantes para cubrir as 24 horas do día e poder realizar unha vixilancia efectiva do municipio, así como garantir o cumprimento das ordenanzas vixentes”. O rexedor subliñou tamén que “Padrón debe ser un pobo ordenado e seguro para toda a cidadanía”.
Con estas incorporacións, o Concello de Padrón non só mellora a seguridade e a orde no municipio, senón que tamén promove un avance na presenza feminina no corpo policial, pasando de ter unha a tres axentes mulleres, o que representa un importante paso cara á igualdade de xénero dentro da institución.
Ademais, o Concello de Padrón completou recentemente a instalación de catro cámaras de seguridade de altas prestacións. Estas cámaras permitirán realizar un control efectivo do tráfico e aumentar a protección dos edificios públicos municipais. O alcalde Anxo Arca adiantou que se trata dunha primeira fase “con catro cámaras ás que se sumarán máis dadas as prestacións que ofrecen e ao seu carácter disuasorio, que facilita a acción policial e evita incumprimentos da legalidade”.
O Concello de Padrón está comprometido coa mellora continua da seguridade e benestar dos seus cidadáns. A través de iniciativas innovadoras e efectivas, Padrón busca ser un referente en seguridade e calidade de vida para todos os seus veciños.
Escrito por Líder Redacción
Radio Líder Santiago te ofrece una cuidada selección musical donde suenan los grandes clásicos que forman parte de nuestra vida, junto a una selección con las novedades más interesantes.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)