Santiago volve depender de Brión para afrontar un incendio no centro da cidade

Radio Líder Santiago | Cedida

Un novo incendio en Santiago puxo de manifesto a situación límite na que se atopa o servizo municipal de bombeiros da capital galega. O lume, rexistrado na rúa Carreira do Conde número 2, obrigou a solicitar o apoio do GES de Brión para poder facer fronte á intervención con garantías mínimas de seguridade.

Segundo informaron os propios bombeiros de Santiago nas súas redes sociais, esta nova actuación evidencia “a dependencia doutras dotacións para poder responder a emerxencias dentro do propio termo municipal”. Engaden ademais que “non se pode seguir mirando cara outro lado” ante a falta de recursos humanos e materiais que denuncian desde hai meses.

O incendio foi finalmente controlado, sen que se rexistrasen vítimas, aínda que o suceso volveu poñer en xaque a seguridade dos veciños de Santiago.