Un bañista rescata do mar a unha persoa en apuros en Porto do Son

Ocorreu na praia de Coira, en Goiáns, e a implicada foi trasladada en helicóptero ao Complexo Hospitalario Universitario de Santiago.

Minutos antes das 12:15 horas, un particular explicou ao 112 Galicia que acababan de sacar a unha persoa da auga na praia de Coira, en Goiáns.

De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061 e da Policía Local e Protección Civil de Porto do Son.

Desde Urxencias Sanitarias mobilizouse o helicóptero medicalizado con base en Santiago, que realizou o traslado da persoa ao complexo hospitalario compostelán.