Un raio derriba a cheminea dunha casa e cae sobre un vehículo en Trazo

Imaxe do coche afectado pola caída da cheminea | RLS

Por fortuna, ninguén resultou ferido e o incendio provocado no tellado resolveuse axiña.

Segundo a información recollida no 112 Galicia, foi un particular quen avisou pouco antes das nove desta noite. Explicou que un raio derribou a cheminea dunha casa situada na Polveira, en Trazo, e que as partes dese elemento saíron voando ata bater nun vehículo.

Ninguén resultou ferido e o incendio provocado posteriormente apenas causou danos no tellado. Concretamente, no illante e na propia cheminea.

Ata o lugar dos feitos acudiron os Bombeiros de Ordes e os voluntarios de Protección Civil da localidade.