Veciños de San Lourenzo denuncian a reapertura dun local de ocio nocturno problemático

Interior da sala Malatesta | Arquivo

A Asociación Veciñal Río Sarela, de Santiago de Compostela, expresa a súa indignación pola reapertura dun local de ocio nocturno no barrio residencial de San Lourenzo, que xa foi clausurado en dúo ocasións por exceso de ruído. A entidade critica que, malia as reiteradas denuncias e os informes de mediciones acústicas desfavorables, o establecemento volva anunciar concertos para o 26 de abril –coincidindo co Día Internacional da Concienciación sobre o Ruído– e para finais de ano.

Os veciños denuncian a «absoluta indefensión» na que se atopan debido á inacción e ao «silencio administrativo» do Concello de Santiago. Segundo indican, o goberno municipal demostrou unha «incapacidade manifesta» para xestionar este problema, ignorando os informes oficiais de ruído que confirman que a actividade do local infrinxe tanto as ordenanzas municipais e autonómicas como a propia Constitución española, que garante o dereito ao descanso.

A asociación critica que o modelo de cidade actual fomente o «xolda sen control», priorizando o lecer nocturno sobre o benestar da cidadanía. Ademais, denuncian a falta de efectivos da Policía Local para actuar ante os problemas de ruído e comportamento incívico xerados por este e outros establecementos similares.

«O Concello de Santiago segue sen ofrecer un modelo de cidade acorde cunha capital declarada Patrimonio da Humanidade. No seu lugar, obríganos a vivir nun entorno inseguro, onde o ruído, a suciedade e o desorde campan ás súas anchas», afirman desde a Asociación Veciñal Río Sarela.

Os afectados insisten en que non están en contra do ocio nocturno, pero defenden que este debe estar localizado en espazos axeitados e fóra das zonas residenciais. «Toda industria ruidosa ou nociva debe situarse lonxe das vivendas. A nosa loita non é contra o lecer, senón contra a súa ubicación en lugares inapropiados», conclúen.

A asociación fai un chamamento ao Concello para que tome medidas urxentes e garanta o cumprimento das normativas, priorizando os dereitos fundamentais da cidadanía sobre os intereses particulares dalga sobre os intereses particulares dalgúns negocios.