Veciños do Ensanche rexeitan o plan urbanístico para a parcela do antigo Peleteiro

A Asociación Veciñal Raigame do Ensanche critica duramente o recentemente aprobado Plan Xeral de Ordenación Municipal para a parcela do antigo colexio Peleteiro en Santiago, cualificándoo de «erro histórico» que agravará os problemas urbanísticos da cidade.

A plataforma veciñal denuncia que a proposta responde a intereses especulativos que favorecerán un «pelotazo urbanístico» en beneficio duns poucos, sen atender ás necesidades reais da veciñanza. Reclaman a creación de equipamentos como unha praza pública, un centro de día, espazos de conciliación familiar, un centro de exposicións para dinamizar o comercio local e un salón de actos que permita recuperar a actividade cultural da cidade.

Ademais, consideran que a vivenda protexida anunciada polo Goberno municipal é «un bulo» que non garante un acceso real á vivenda a quen máis o necesita. Advertiron de que, se o Concello non rectifica, os veciños «non esquecerán esta traizón».