Listeners:
Top listeners:
Radio Líder Santiago – 97.7Fm Santiago de Compostela
today4 junio, 2024
O líder popular salientou que este tipo de medidas o que fomenta son os alugueiros temporais e non os permanentes.
Para Verea “estamos ante outro exemplo máis das políticas contradictorias do BNG coas que nos levan sorprendendo no seu primeiro ano de mandato”.
O líder do Partido Popular de Santiago, Borja Verea, amosou hoxe a súa preocupación pola ordenanza para as Vivendas de Uso Turístico que BNG e CA van levar a Pleno.
Verea sostivo que “queda demostrado que Goretti Sanmartín di unha cousa e fai a contraria, como queda reflectivo coa presentación desta ordenanza”. Así, lembrou que “o BNG prometeulle ás familias con VUTS durante a campaña que ía regularizar a súa situación e o que pretende facer agora é ilegalizalas a todas”. Neste senso, salientou, “dunha persoa que minte non se pode un fiar”.
Por outra banda, Verea insistiu na preocupación do Partido Popular de Santiago pola intención do BNG e CA de autorizar milleiros e milleiros de VUTS dous meses ao ano por toda a cidade, “unha medida que vai destrozar o mercado de alugueiro”, lamentou. “Estamos ante outro exemplo da falla de xestión e de rigor deste goberno que defende unhas políticas de cara aos medios de comunicación pero despois os feitos demostran outras, -incidiu- non entendemos que a súa maneira de fomentar o acceso á vivenda das familias compostelás sexa permitir que durante dous meses ao ano calquera vivenda poida ser unha VUT, porque está claro que ese tipo de medidas fomentan os alugueiro temporais e non os permanentes”.
“Tócalle ao BNG e CA explicar que tipo de política de turismo pretenden levar a cabo con estas accións, posto que veñen de conceder 400 prazas hoteleiras, a un fondo de inversión, en pleno corazón do Casco Histótico, no antigo Hospital de Galeras, e sen embargo ilegalizan a 400 familias compostelás que queren alugar a súa vivenda”, instou Verea. “Outro exemplo máis das políticas contradictorias do BNG coas que nos levan sorprendendo no seu primeiro ano de mandato”, salientou.
Escrito por Líder Redacción
Radio Líder Santiago te ofrece una cuidada selección musical donde suenan los grandes clásicos que forman parte de nuestra vida, junto a una selección con las novedades más interesantes.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)