Listeners:
Top listeners:
Radio Líder Santiago – 97.7Fm Santiago de Compostela
O líder popular subliñou que o Concello debe comprometerse coa infancia, coidar das nenas e nenos composteláns, procurar a mellora do seu benestar e calidade de vida e fomentar a súa participación e compromiso.
“Trataríase dun espazo activo que teña como obxectivo avaliar, suxerir, propor ideas sobre asuntos que afectan a cuestións individuais e colectivas da poboación infantil, co fin de chegar a obxectivos comúns”, remarcou.
O líder do Partido Popular de Santiago, Borja Verea, manifestou hoxe a súa aposta pola creación do Consello Municipal da Infancia para garantir a presenza e participación efectiva da veciñanza máis xove da cidade na vida municipal. O líder popular subliñou que “o Concello debe comprometerse coa infancia, coidar das nenas e nenos composteláns, procurar a mellora do seu benestar e calidade de vida, ademais de fomentar a súa participación e compromiso”.
As nenas e nenos contan coa capacidade de mudar e influír na súa contorna, polo que, explicou Verea, “debemos garantir as condicións para que o seu dereito á participación sexa efectivo, xa que é fundamental que as súas inquedanzas, opinións, necesidades e dereitos formen parten da política municipal, cunha xestión que o garanta”.
Para Borja Verea, isto lograríase a través dun órgano de representación, consulta e participación do Goberno municipal para asuntos que afecten, de maneira directa ou indirectamente, á poboación infantil. “Un espazo activo que teña como obxectivo avaliar, suxerir, propor ideas sobre asuntos que afectan a cuestións individuais e colectivas da poboación infantil, co fin de chegar a obxectivos comúns”, remarcou.
O popular reiterou que a finalidade do Consello Municipal da Infancia será a de facilitar a participación da veciñanza máis nova nas decisións a tomar polo goberno municipal, contribuíndo á expresión e ao coñecemento directo das súas inquedanzas, intereses e necesidades, ao tempo que permitiría o acceso e intercambio de información dirixida ás entidades do tecido asociativo, especialmente, configuradas para a defensa dos intereses concretos dos rapaces e facilitará a coordinación entre os diferentes axentes implicados no seu benestar.
A participación infantil está baseada na Convención sobre os Dereitos da Infancia, aprobada pola Asemblea Xeral das Nacións Unidas o 20 de novembro de 1989, na que se destaca a consideración dos nenos e nenas como suxeitos de dereitos e o establecemento dun marco de interrelación coa poboación adulta, as institucións e a sociedade, ao tempo que se recoñece o seu dereito a expresar a súa opinión en todos os asuntos que lles afecten e a que sexan tidos en conta.
Escrito por Líder Redacción
compostela infancia politica pp radio lider santiago santiago
Radio Líder Santiago te ofrece una cuidada selección musical donde suenan los grandes clásicos que forman parte de nuestra vida, junto a una selección con las novedades más interesantes.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)