Listeners:
Top listeners:
Radio Líder Santiago – 97.7Fm Santiago de Compostela
today20 mayo, 2024
20/05/2024 A alcaldesa Goretti Sanmartín e representantes dos grupos municipais participaron no acto de clausura do Correlingua 2024 desta xornada organizada en Santiago de Compostela coa participación de 1.060 rapaces e rapazas de 10 centros de ensino.
Na súa intervención fixo referencia á renovación do compromiso co idioma. «Santiago é unha cidade internacional, ben coñecida no mundo, e é un lugar onde o galego ten unha presenza moi importante», sinalou.
Aludiu á responsabilidade de falar en galego e, nese sentido, deixoulle á organización do Correlingua un «contrato de fidelidade á lingua galega, para quen queira asinalo», a quen agradeceu que traian de novo esta actividade a Compostela, «un concello con orgullo de falar a lingua propia e de garantir os dereitos lingüísticos das persoas galegofalantes».
Ese contrato recolle o compromiso de exercer como axente normalizador da lingua galega no colexio ou instituto, e fóra del, para exercer activamente e con responsabilidade o dereito a usar o galego na vida escolar, demostrando que a mellor forma de conseguir a normalidade para a nosa lingua é coa práctica diaria.
«Quero participar cos meus grans de area na construción dun presente digno e dun futuro esperanzador para o noso idioma e súmome así aos miles de mozos e mozas que estamos a cambiar a historia do noso país ao mantérmonos fieis á nosa lingua, o noso principal sinal de identidade», recolle o texto do documento.
Tamén fai referencia a «mellorar as actitudes cara ao noso idioma e aumentar os usos formais e informais no contexto escolar», ademais de «demostrar que falar e escribir en galego é doado, útil e valioso», conclúe o contrato de fidelidade á lingua galega.
No acto partiparon, ademais da alcaldesa, o presidente da Mesa pola Normalización Lingüística, Marcos Maceira; o secretario comarcal de CIG-Ensino, Rubén Monteagudo; a responsable Correlingua, María Buño. Contou tamén con Isabel Risco e coa actuación de Cuarta Xusta, ademais do alumnado e profesorado dos centros de ensino Xelmírez I e Xelmírez II, Rosalía de Casto, Eduardo Pondal, Xulián Magariños, Terra de Soneira, Dices, Monte dos Postes, Apóstolo Santiago e Vite.
Escrito por Líder Redacción
compostela correlingua deporte educacion galego radio lider santiago santiago
Radio Líder Santiago te ofrece una cuidada selección musical donde suenan los grandes clásicos que forman parte de nuestra vida, junto a una selección con las novedades más interesantes.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)