Agrede con violencia a un dependente dunha tenda 24 horas do Ensanche

Un dependente dunha tenda 24 horas do Ensanche de Santiago resultou ferido esta madrugada tras ser agredido por un cliente que, segundo as primeiras informacións, lle propinou un forte golpe no rosto, chegando a fracturarlle o nariz. O suceso ocorreu durante unha discusión cuxos motivos están a ser investigados polas forzas de seguridade.

Até o lugar desprazáronse servizos sanitarios e axentes da Policía, que xa abriron unha investigación para identificar e localizar ao agresor, que abandonou o establecemento de forma inmediata tras o ataque. O traballador tivo que ser trasladado a un centro hospitalario debido ás lesións sufridas.

O incidente xerou preocupación entre comerciantes e veciños da zona, que alertan dunha crecente sensación de inseguridade durante a madrugada, especialmente en negocios que permanecen abertos as 24 horas. Ampliaremos información a medida que avance a investigación.