Amaramar, banda gañadora da segunda convocatoria de Onda Chicha

• A entrevista coa banda emitirase este venres ás 10:15 horas no 97.7 FM e tamén en streaming, a través da páxina de Facebook de Radio Líder Santiago. Xa está aberto o prazo de inscrición da terceira convocatoria desta iniciativa de apoio ao talento musical emerxente galego

A banda Amaramar é a gañadora da segunda convocatoria de Onda Chicha, o espazo musical que Radio Líder Santiago impulsa en colaboración con Chichalovers para dar visibilidade ao talento emerxente galego.

Amaramar é unha banda de indie rock formada en Santiago de Compostela en 2024 por Enric, Roi, Darío e Julia. O seu son caracterízase pola combinación de guitarras distorsionadas, atmosferas electrónicas e melodías directas, cunha sensibilidade neoorgánica que conecta o brit-pop e o indie anglosaxón coa escena española contemporánea.

Entrevista este venres en Onda Chicha

A entrevista coa banda gañadora poderá escoitarse este venres ás 10:15 horas en Radio Líder Santiago, a través do 97.7 FM e tamén en streaming a través da páxina de Facebook da emisora, dentro do programa Onda Chicha.

Que é Onda Chicha

Onda Chicha é unha iniciativa conxunta de Chichalovers e Radio Líder Santiago creada para dar visibilidade a artistas e grupos emerxentes de Galicia.

A través dun proceso de inscrición aberta, selecciónanse bandas e solistas que teñen a oportunidade de participar nunha entrevista en Radio Líder Santiago, con difusión en radio e redes sociais; gravar un tema en Chichalovers; protagonizar unha entrevista en Quincemil; e a posibilidade de actuar no CHICHAFEST, onde dous ou tres proxectos gañadores tocarán en directo na Sala Capitol o 13 de xuño de 2026.

O obxectivo de Onda Chicha é impulsar a nova xeración de artistas galegos, ofrecéndolles espazos reais de visibilidade, creación e conexión coa escena musical.

Xa está aberta a terceira convocatoria de Onda Chicha.
As persoas interesadas poden consultar toda a información do proceso de participación e realizar a súa inscrición a través dos seguintes enlaces:

• Aberta a terceira convocatoria de Onda Chicha

• Bases de Onda Chicha