Listeners:
Top listeners:
Radio Líder Santiago – 97.7Fm Santiago de Compostela
today31 diciembre, 2023
O candidato á Presidencia da Xunta polo PSdeG participou en Lugo xunto á Alcaldesa na campaña Adopta ou bota unha pata, impulsada por Xuventudes Socialistas para concienciar á cidadanía sobre o benestar animal e previr o abandono de mascotas, sobre todo nestas datas navideñas
O candidato do PSdeG-PSOE á Presidencia da Xunta de Galicia, José Ramón Gómez Besteiro, participou este mércores xunto á Alcaldesa de Lugo, Lara Méndez, na campaña Adopta ou bota unha pata, impulsada por Xuventudes Socialistas de Lugo para concienciar á cidadanía sobre o benestar animal e previr o abandono de mascotas no Nadal. Un encontro no que Besteiro fixo un chamamento á “adopción animal responsable, especialmente nestas datas” porque “os animais non son xoguetes. As mascotas son un membro máis da familia”.
No ano 2022 naceron 15.000 bebés en Galicia e rexistráronse 65.000 cachorros, segundo datos oficiais do Círculo de Empresarios de Galicia, e, segundo o rexistro oficial da Xunta, por cada 4 persoas en Galicia hai un can, sendo a comunidade galega a cuarta do país con maior taxa de cans. Uns datos que poñen de manifesto “a responsabilidade que debemos ter coas nosas mascotas” e que son “outro exemplo claro de que a poboación galega vai a menos, baixa, e, polo tanto, Galicia ten cada vez menos peso en España”, subliñou Besteiro.
Coa súa participación na campaña Adopta ou bota unha pata, o candidato socialista á presidencia da Xunta apoiou tamén unha recollida de alimentos para animais abandonados. A Praza Maior acolleu as actividades, que incluíron seguidamente unha ruta solidaria polo centro de Lugo para concienciar á poboación da importancia de non abandonar aos animais.
Escrito por Líder Redacción
Radio Líder Santiago te ofrece una cuidada selección musical donde suenan los grandes clásicos que forman parte de nuestra vida, junto a una selección con las novedades más interesantes.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)