Listeners:
Top listeners:
Radio Líder Santiago – 97.7Fm Santiago de Compostela
today17 abril, 2024
17 de abril de 2024.- O Pleno Ordinario de Brión aprobou este mediodía por unanimidade solicitarlle á Xunta de Galicia a declaración da Romaría de Santa Minia como Festa de Interese Turístico de Galicia. Unha solicitude que vai acompañada por unha completa memoria explicativa con fotografías, libros, material gráfico e audiovisual que demostra que a Romaría de Santa Minia cumpre cos requisitos esixidos para ser declarada de Interese Turístico de Galicia. A maiores, a solicitude vai acompañada por un extenso informe asinado por Clodio González, historiador e integrante da Real Academia Galega.
A sesión plenaria ordinaria de abril tomou coñecemento da renuncia de Adrián García como concelleiro do Partido Popular por motivos persoais. Será substituído polo seguinte integrante da lista popular: Emilio Jesús Aparicio. No resto da sesión aprobouse, co voto a favor do PSOE e as abstencións do PP e do BNG, o Recoñecemento Extraxudicial de Crédito 3/2024 por 65.683 euros para o pago de facturas emitidas en 2024 pero correspondentes a 2023, dos que máis de 54.000 euros correspóndense con subministro eléctrico.
Finalmente, os votos a favor de PSOE e BNG e a abstención do PP permitiron aprobar o estudo de viabilidade económica e financeira do novo servizo de abastecemento de auga potable. Na quenda de mocións, o Pleno rexeitou, cos votos en contra do PSOE e a abstención do PP, a petición do BNG de que comezaran a gravarse e retransmitirse en streaming todas as sesións plenarias a partir da sesión de abril. A voceira municipal, Sandy Cebral, explicou que “estamos abertos á posibilidade da gravación e retransmisión dos Plenos pero é algo que vai implantar a Deputación da Coruña en breve, polo que pensamos que podemos aforrarlle ese gasto ás arcas municipais e agardar a que o asuma a Deputación”.
Escrito por Líder Redacción
brion festa interese galicia pleno radio lider santiago santa minia turismo
Radio Líder Santiago te ofrece una cuidada selección musical donde suenan los grandes clásicos que forman parte de nuestra vida, junto a una selección con las novedades más interesantes.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)