Cruces celebrou unha animada Festa do Chourizo a pesar da chuvia

• Degustáronse 80 quilos de chourizos de carnicerías locais, feitos á brasa por Lucho e Fausto, nunha xornada cun magnífico ambiente na praza da vila

O Concello de Vila de Cruces celebrou hoxe a súa XXXIII Festa Gastronómica do Chourizo na Praza do Concello (Praza Juan Carlos I).

Aínda co tempo en contra, xa que a chuvia non cesou en toda a mañá, multitude de persoas asistiron a esta xuntanza na que se respiraba un magnífico ambiente, onde a veciñanza se animou a degustar gratuitamente 80 quilos de chourizos de tres carnicerías locais: Maceiro, Mosquera e Mariño. Os chourizos, feitos á brasa por Lucho e Fausto, servíronse acompañados de pan, auga e viño.