Dous falecidos nun accidente de tráfico en Silleda

O accidente ocorreu arredor das 15:20 horas, no quilómetro 185 da N-640, na parroquia de Escuadro. Segundo informou o particular que alertou ao 112 Galicia, producírase un accidente entre dous coches, cunha persoa xa fóra do seu turismo, mentres que no outro aínda permanecía xente no interior.

Rapidamente, os xestores do 112 Galicia solicitaron a intervención do Servizo de Urxencias Sanitarias de Galicia-061, que mobilizou ata o punto o helicóptero medicalizado con base en Santiago. Tamén se desprazaron sos Bombeiros do Deza, a Garda Civil de Tráfico e a Policía Local.

Os servizos de emerxencias confirmaron o falecemento dos dous ocupantes que estaban dentro dun dos coches implicados, un home de 84 anos e unha muller de 83, os cales precisaban de excarceración para ser liberados. O condutor do outro vehículo, ferido, tivo que ser trasladado ata o Centro de Saúde.