Ferido leve o condutor dun patinete tras colidir cun turismo en Santiago

Arquivo

O accidente entre un turismo e un patinete eléctrico ocorrido onte á noite en Santiago deixou un ferido leve. O incidente produciuse arredor das 22 horas na intersección entre a rúa Mulas e a vía Galileo.

A Policía Local personouse no lugar para investigar as causas do sinistro e elaborar o informe correspondente. Ademais, os servizos sanitarios atenderon ao condutor do patinete.