Miguel Vázquez, Cofradía Franciscana de la Vera Cruz: «As confrarías non son núcleos pechados»

O VII Paixón no Camiño chega este domingo 25 de febreiro ao Teatro Principal a partir das 18.00 horas, organizado pola Confraría Franciscana de la Vera Cruz. Este evento marca un momento destacado para a Semana Santa en Compostela, buscando resaltar a tradición relixiosa da cidade.

Esta semana falamos en Radio Líder Santiago con Miguel Vázquez, secretario da confraría e responsable da sección musical, no programa Vive Santiago de Álvaro Veiga. Vázquez compartiu as orixes da banda de Vera Cruz, que comezou coas cornetas e tambores no ano 1997, e en 2018 incorporaron o resto de instrumentos, enriquecendo así a súa sonoridade.

A importancia do Paixón no Camiño radica en promover a Semana Santa na capital galega, situándoa nun lugar de relevo xunto a outras cidades como Ferrol ou Viveiro, máis coñecidas pola súa popularidade nesta época do ano.

Vázquez fai un chamamento á participación cidadá nas cofradías, subliñando que non son «núcleos pechados», e alentando a integrarse nesta rica tradición relixiosa.

Este ano, a Confraría de la Vera Cruz ten programadas tres saídas polas rúas de Santiago durante a Semana Santa, ofrecendo un marco único para as procesións que incluso envexan e admiran dende lugares coma Sevilla, cunha grande devoción por esta tradición cristiá.

A entrevista completa no seguinte enlace: