Nico “Petardito” Rodríguez, do Boxing Club Padrón, proclámase campión do Open Futuros Campións

O boxeador padronés Nico “Petardito” Rodríguez acadou o título de campión do Open Futuros Campións, celebrado esta fin de semana en Marín, nun torneo que reuniu deportistas de toda Galicia e incluíu máis de 40 combates.

Este novo éxito consolida o gran momento do boxeo padronés, que segue a destacar nos rings galegos baixo a dirección de Sergio Seco, adestrador do Boxing Club Padrón.

Desde o Concello de Padrón transmitiron os seus parabéns a Nico e a todo o equipo, recoñecendo o seu esforzo, dedicación e compromiso coa disciplina deportiva.