O autobús do Noia Portus Apostoli FS colisiona cun grupo de xabarís no regreso desde Tudela

Durante a pasada madrugada, o autobús que trasladaba ao Noia Portus Apostoli FS sufriu un percance na parte final do seu traxecto de volta desde Tudela, ao colisionar cun grupo de xabarís que se interpuxeron por sorpresa na estrada.

Afortunadamente, o incidente non ocasionou danos persoais, máis aló do susto e dos desperfectos no vehículo.

O club quixo agradecer publicamente a rápida intervención da Garda Civil de Tráfico e dos dous chofers de Autos Dosil, que conseguiron reparar os danos e garantir que a expedición puidese completar con seguridade o regreso ata Noia.