Arzúa agasalla 3000 € en premios co comercio local

● Arzúa sortea 3000 € en 50 tarxetas regalo: 10 premios de 100 € e 40 premios de 50 €

Arzúa, 13 de decembro de 2023.- A Concellería de Promoción Económica de Arzúa, dirixida por Begoña Balado, organiza a Campaña do Comercio Local Arzúa colaboración co Centro Comercial Aberto de Arzúa (AECA) e ABANCA. Trátase dun sorteo de 50 tarxetas con 3000 € en regalos no que pode participar calquera persoa maior de idade que compre nos comercios e locais de restauración de Arzúa, durante o período da promoción.

Onte tivo lugar a presentación da iniciativa no Concello de Arzúa a cal asistiron a concelleira Begoña Balado; Uxío Villar, director da sucursal de ABANCA de Arzúa; Santiago Villanueva, técnico de turismo do Concello de Arzúa e Cristina Carril, técnica de AECA.

Segundo Begoña Balado “é unha forma de dinamizar e poñer en valor o noso comercio local coa intención de seguir reactivándoo no 2024”.

Poderán participar na campaña todas as persoas físicas maiores de idade, que compren calquera produto ou servizo nos comercios e locais de restauración incluídos dentro do Centro Comercial Aberto de Arzúa (AECA), a excepción dos supermercados, farmacias e gasolineiras, os cales quedan excluídos por ser servizos esenciais.

Os participantes deberán realizar compras superiores a 30€ en calquera establecemento do Centro Comercial Aberto de Arzúa, excepto dos que están excluídos. No tícket, superior a 30€, deberán escribir no reverso o seu nome e apelidos, DNI e número de teléfono, con letra clara e lexible.

Os tíckets debidamente cubertos, deberán ser depositados na urna habilitada na entrada da Casa do Concello, dende o 11 de decembro de 2023 ata o 11 de xaneiro de 2024. Poderá ser válida a participación da mesma persoa en tantos tíckets como compras realice cumprindo estas bases.

A campaña finaliza co sorteo dos premiados ou premiadas o 17 de xaneiro de 2024 ás 12 horas na Capela da Madanela ante o secretario municipal do Concello ou funcionario municipal.