O Concello de Oroso ofrece entradas gratuítas para as atraccións na Festa da Troita

O Concello de Oroso ofrece tres entradas de balde para as atraccións da Festa da Troita a nenos e nenas de 0 a 16 anos.

As entradas poden retirarse o martes 7 e o mércores 8 na Casa do Concello, en horario de atención ao público de 9:00 a 13:30 e de 17:00 a 19:00.

Dende o Consistorio lembran que é necesario estar empadroado no concello de Oroso e presentar o DNI e o Libro de Familia.

A iniciativa busca brindar aos máis novos a oportunidade de gozar ao máximo da festa.