«O PP criticou o programa da Ascención antes de coñecelo, como fixo cos orzamentos»

Goretti Sanmartín, alcaldesa de Santiago de Compostela, participaba este martes nos micrófonos de Radio Líder Santiago para abordar xunto a Álvaro Veiga distintos asuntos da actualidade local.

Un dos temas foi o comezo este mércores das festas da Ascensión ata o vindeiro día 12. A rexedora nacionalista asegura que as festas da cidade van ter «unha programación variada con orquestras, cabezudos, co ComposFest, con grupos santiagueses e de fóra, e tamén destacamos a música tradi das Fillas de Cassandra para conxugar tradición e modernidade, entre outras». Ademáis asegurou que «o PP criticou o programa da Ascención antes de coñecelo, como fixeron cos orzamentos».

Doutra banda, Sanmartín tamén fixo referencia a recente reunión celebrada do Foro Cívico, unha entidade que, afirma, «coincide na nosa liña de que ten que haber colaboración entre administracións para sacar adiante temas prioritarios para a cidade como vivenda, mobilidade e grandes infraestruturas para mellorar Santiago de Compostela».

Sobre un dos temas candentes da actualidade da capital galega, a alcaldesa confirma que «instaláronse sensores para analizar os fluxos turísticos e coñecer o nivel de ocupación, días e horas en determinados lugares para un estudo en colaboración coa USC de cara a unha nova distribución das visitas para que coñezan espazos distintos e teñan unha mellor experiencia». Estos sensores están ubicados na Praza do Obradoiro, Rúa do Vilar, San Francisco, Mercado de Abastos, Praza 8 de marzo, na costa da Camelia e no Paseo central da Alameda. Sanmartín aclara que o que se contabilizan con este sistema son dispositivos móviles.

Na recta final, tamén falou da reunión que o próximo día 10 deste mes manterá cos Ministerios de Economía e Vivenda co obxetivo de que o Goberno central medie coa Sareb para poder desbloquear o futuro da parcela do Peleteiro, cunha licenza que segue o seu curso.

A entrevista completa no seguinte enlace.