Listeners:
Top listeners:
Radio Líder Santiago – 97.7Fm Santiago de Compostela
today3 mayo, 2024
O concelleiro popular, José Ramón de la Fuente, manifestou, en rolda de prensa, a preocupación do Partido Popular de Santiago polo aumento significativo da criminalidade na cidade, incremento que os propios cidadáns levan percibindo e denunciando nos últimos meses, ademais da ausencia dunha resposta contundente por parte do BNG.
Ante esta situación, De la Fuente reclama que “as cámaras de videovixilancia e do proxecto Smartiago que temos instaladas, sobre todo as do Casco Histórico, cumpran a súa función, pero a realidade é que, actualmente, ou non gravan ou as imaxes son inservibles, polo que os efectivos policiais non poden empregalas para o esclarecemento de delitos”
O popular remarcou que os nacionalistas non dan unha razón convincente de porque non queren que se empreguen as cámaras e, a tenor do que están facendo, a veciñanza debe saber que, para o BNG, a inversión en seguridade non é economicamente rendible, pero para os nacionalistas si é imprescindible ter varios multamóbiles circulando pola cidade, recollendo imaxes para multar; ou ter o radar en Conxo a pleno rendemento, gravando e sancionado a miles de automobilistas”.
“Desde o Partido Popular de Santiago, invitamos ao BNG a que cambie, actualice, configure e adapte as cámaras de videovixilancia, co fin de que graven imaxes, sempre ao servizo dos Órganos xudiciais e policía, é dicir, traballar ao servizo dos veciños e da súa seguridade”, remarcou.
Non se pode negar que volveron os altercados ao Toural; proliferan os narcopisos; cada vez son máis frecuentes os asaltos a comercios; os veciños padecen macrofiestas ilegais multitudinarias en naves abandonadas; e, recentemente, podemos presenciar persecucións automobilísticas, datos que corroboran os publicados polo Ministerio de Interior, que indican que, desde o ano 2017, a criminalidade incrementouse en Santiago un 25 %.
De la Fuente insistiu en que “crecen todas as figuras delictivas salvo as estafas informáticas, aumentando os delitos contra a liberdade sexual, en case un 60%, rexistrando o maior número de delitos desde 2016; e os roubos con forza en domicilios e establecementos, que suben máis de un 71%, a maior cifra nos últimos 8 anos”.
O pasado ano, Santiago sufriu o segundo maior incremento da criminalidade en Galicia, só detrás de Lugo, neste momento, ten o triste récord, entre todas as cidades galegas, xunto coa Coruña,, “a pesar deste panorama, agregou, os nacionalistas presumen de que Compostela é unha cidade segura., pero a realidade é teimuda e a capital de Galicia ten menos seguridade que Ferrol, Pontevedra, Ourense, Lugo ou Vigo”.
“Hai tempo que os populares denunciamos a evidente falla de efectivos policiais e reclamando do BNG que esixa ao Goberno do Estado o aumento de efectivos como a elevación de rango da Comisaría de Santiago, pero os nacionalistas nada teñen feito”, indicou.
Escrito por Líder Redacción
camaras compostela politica pp santiago radio lider santiago santiago seguridade
Radio Líder Santiago te ofrece una cuidada selección musical donde suenan los grandes clásicos que forman parte de nuestra vida, junto a una selección con las novedades más interesantes.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)