Oroso acomete melloras na rede de alumeado público

O Concello de Oroso iniciou as obras de mellora do alumeado público e a súa eficiencia enerxética na urbanización Porto Avieira.

Estas melloras abranguen a toda a urbanización, incluíndo a Rúa Ramon Cabanillas, Rúa Eduardo Blanco Amor, Rúa Maruxa Mallo, Rúa Fernández del Riego, Rúa María Casares e a Rúa Castelao.

O proxecto, dividido en dúas fases, require un investimento total de 180.000€ procedentes dos fondos do POS do ano 2022. Esta actuación marca o inicio dunha serie de melloras planificadas para esta urbanización, incluíndo a mellora dos accesos e da pista deportiva.

O obxectivo principal destas obras é mellorar a calidade do alumeado público, incrementar a seguridade da instalación e a súa eficiencia enerxética, así como solucionar os problemas causados polo cableado defectuoso que está a causar cortes de luz. Ademais, procura integrarse mellor no entorno urbanístico.