Listeners:
Top listeners:
Radio Líder Santiago – 97.7Fm Santiago de Compostela
Padrón. 3-07-2024.- O Concello de Padrón iniciou este mércores, 3 de xullo, unha campaña especial de vixilancia do depósito de residuos nos contedores de lixo co obxectivo de promover unha contorna máis limpa e respectuosa co medio ambiente.
A medida pretende evitar que a veciñanza deixe bolsas de lixo ou outros residuos fóra dos colectores asignados, o que causa problemas como malos cheiros, dificultade na recollida de lixo e unha mala imaxe da vila.
A Policía Local de Padrón será a encargada de supervisar o cumprimento desta normativa. As persoas que non respecten as normas de uso dos contedores serán identificadas e sancionadas conforme á normativa vixente.
Dende o Concello, faise un chamamento á responsabilidade cidadá para que se empreguen correctamente os distintos tipos de contedores e se realice unha adecuada separación dos residuos. O correcto uso dos colectores é fundamental para manter un Padrón limpo e agradable para veciñanza e visitantes.
Esta medida súmase ao resto de iniciativas que está a poñer en marcha o actual goberno municipal de Padrón para reforzar o seu compromiso co desenvolvemento sostible e coa mellora continua da calidade de vida dos seus cidadáns.
Escrito por Líder Redacción
Radio Líder Santiago te ofrece una cuidada selección musical donde suenan los grandes clásicos que forman parte de nuestra vida, junto a una selección con las novedades más interesantes.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)