Listeners:
Top listeners:
Radio Líder Santiago – 97.7Fm Santiago de Compostela
today22 mayo, 2024
Ames, 22 de maio de 2024.- As Casas da Cultura do Milladoiro e Bertamiráns acollen dende este xoves, 23 de maio, ata o domingo 26, a primeira edición do ciclo de monólogos. Trátase dunha nova iniciativa, impulsada polo Concello a través do departamento de Cultura, que inclúe actuacións de figuras consolidadas como Quico Cadaval, Pepo Suevos, Paula Carballeira e Carlos Blanco, xunto con artistas emerxentes como Antía Costas, Adrián do Regenco e Cristóbal Álvarez. Quedan entradas para os espectáculos do venres 24 e do sábado 25. Poden adquirirse na Billeteira electrónica do Concello. As entradas para os espectáculos do xoves e domingo están esgotadas.
O Concello de Ames, a través da Concellaría de Cultura, organiza un ciclo de monólogos da man de sete artistas galegos; algúns deles xa de sobra coñecidos como Quico Cadaval, Pepo Suevos, Paula Carballeira e Carlos Blanco, xunto a outros/as artistas emerxentes como Antía Costas, Adrián do Regenco e Cristóbal Álvarez.
Trátase dunha nova iniciativa que se vai celebrar nos auditorios das Casas da Cultura do Milladoiro e Bertamiráns do 23 ao 26 de maio. Deste xeito trátase de ampliar a oferta cultural que programa ao longo do ano o Concello de Ames.
Este ciclo de monólogos foi presentado o pasado 25 de abril na Casa da Cultura de Bertamiráns e está tendo unha gran resposta por parte do público amesán. Na actualidade están esgotadas as entradas para o espectáculo que ofrecerán este xoves Quico Cadaval e Antía Costas na Casa da Cultura do Milladoiro e tamén para as dúas sesións do espectáculo de Carlos Blanco, que serán o domingo 26 de maio, ás 19.00 e 21.00 horas.
Para os espectáculos do venres 24 (Pepo Suevos e Adrián do Regenco) e do sábado 25 (Paula Carballeira e Cristobal Álvarez) aínda quedan algunhas entradas á venda. Poden adquirirse na Billeteira electrónica do Concello.
O alcalde e concelleiro de Cultura, Blas García, explica que esta proposta é “algo distinto do que vimos facendo habitualmente e que queremos que continúe nos vindeiros anos”. Así mesmo, destaca “a variedade da programación cultural municipal que se ofrece ao longo do ano, con propostas para todos os públicos, como o ciclo Abril de Cine ou as propostas de danza e teatro que integraron o Ames Cultural 2024, que se desenvolveu no primeiro semestre de 2024 e ao que asistiron un total de 1.877 persoas”.
Monólogos en Bertamiráns e no Milladoiro
A primeira sesión será o xoves 23 de maio, ás 21:00 horas, coa actuación de Quico Cadaval e Antía Costas na Casa da Cultura do Milladoiro. Neste mesmo auditorio estarán o sábado 25 Paula Carballeira e Cristóbal Álvarez, tamén ás 21:00 horas.
O ciclo chegará a Bertamiráns o venres 24, coa actuación de Pepo Suevos e Adrián do Regenco na Casa da Cultura ás 21:00 horas. O último espectáculo será o domingo 26, en dúas sesións, ás 19:00 e ás 21.00 horas, tamén no auditorio de Bertamiráns, da man de Carlos Blanco. Inicialmente estaba previsto facer unha sesión, pero ante a gran demanda de entradas que houbo, decidiuse ampliar a dous pases.
Escrito por Líder Redacción
ames bertamirans cultura milladoiro monologos ocio radio lider santiago
Radio Líder Santiago te ofrece una cuidada selección musical donde suenan los grandes clásicos que forman parte de nuestra vida, junto a una selección con las novedades más interesantes.
closeCopyright © 2023 Radio Líder Santiago de Compostela - 97.7 Fm
Comentarios de las entradas (0)