Rianxo pechará o 2025 con máis de 1,5 millóns de euros en obras licitadas e executadas

O Concello de Rianxo culminará o ano 2025 con máis de 1,5 millóns de euros en obras licitadas e executadas, o que supón un importante esforzo investidor que, sumado ao do exercicio anterior, sitúa o investimento total desta lexislatura por enriba dos 3 millóns de euros.

Entre os proxectos xa executados ou en marcha destacan:

A ampliación das redes de saneamento e abastecemento en Meiquiz e Or (Leiro), cun orzamento de 208.785,50 €.

A renovación completa do firme do vial de acceso ao Montiño dende a DP-7203 (Taragoña), por 102.952,85 €.

A ampliación da rede municipal de abastecemento entre Corques e Outeiro (Taragoña), con 90.713,70 €.

A segunda fase da dotación de redes de abastecemento e saneamento en Vilas (Asados), cun investimento de 194.386,50 €.

A ampliación das redes en Villanustre (Asados), tamén con 194.386,50 €.

A mellora do sistema de iluminación do parque empresarial de Rianxo (39.862,40 €).

A renovación e mellora enerxética do campo de fútbol municipal da Lomba (59.971,84 €).

O proxecto de eficiencia enerxética no edificio dos Servizos Sociais (66.235,40 €).

A mellora da accesibilidade e renovación de instalacións no Cuartel Vello de Rianxo (48.236,65 €).

Ademais, o Concello destinou 300.000 euros ao asfaltado de distintos viais municipais.

A estes investimentos sumaranse nas próximas semanas dous proxectos de relevo: o cambio da totalidade das luminarias do paseo marítimo, cun orzamento de 80.000 €, e a mellora da iluminación en todo o núcleo urbano, cun investimento de 547.364,30 €.

Estas actuacións consolidan a aposta do goberno local por mellorar as infraestruturas, a eficiencia enerxética e a calidade de vida nos diferentes núcleos do municipio.