Carmen Torreira, veciña da Baña, cumpre 100 anos
O alcalde, Antonio Pereira, e a concelleira Mónica González felicitárona persoalmente A Baña. 11-12-2023.- A Baña conta cunha nova centenaria dende o pasado 7 de decembro. Carmen Torreira, natural de Menlle (Troitosende) celebrou o seu cen aniversario rodeada da súa familia. O alcalde, Antonio Pereira, e a concelleira Mónica González, acudiron tamén ata o seu domicilio para desexarlle moitos parabéns en nome da toda a veciñanza do Concello.