Teo acollerá unha nova edición da Copa de España de Billar

A alcaldesa, Lucía Calvo de la Uz, recibiu á directiva do Club Billar de Teo para presentar unha nova edición da Copa de España de Billar, nas modalidades Absoluta e Júnior. Así, ademais do concelleiro de Deportes e Xuventude, Gelucho Gómez, estiveron o presidente do Club, Emilio Amado Pico, e o vogal, Enrique Rodríguez Lema. 

O campionato será os vindeiros días 21, 22 e 23 de marzo na sede do Club Billar Teo, ubicada no Hotel Los Tilos. Levarase a cabo a 4ª Proba Absoluta e a 3ª Proba Junior, baixo os auspicios da Real Federación Española de Billar. Os xogadores federados que estean interesados en participar teñen ata o vindeiro 7 de marzo para presentar a solicitude.

A alcaldesa felicitou aos organizadores polo seu traballo e compromiso con este deporte, unha disciplina en auxe que, no caso de Teo, conta cun elevado palmarés. De feito, na presentación tamén estivo o xogador Iávor Ricardov Moreno, subcampión na Euro Youth Masters Final.